ViuTV全新節目《K Cash Supreme尊貴私人貸款 呈獻：全星暑假 – MIRROR+》逢星期一晚上9時30分播映。節目透過遊戲、競賽等不同形式，從多方面向MIRROR作出挑戰，讓觀眾認識和發掘MIRROR成員更多不同面向。
今晚 （31日）播出的一集，MIRROR繼續分為藍黑兩隊對決不同遊戲，藍色隊代表有Anson Kong、Edan和Alton；黑色隊代表有Lokman、Ian和Frankie。每隊要派成員戴上眼罩，限時在魔術貼賽道上全隊撞跌最多保齡球瓶的隊伍就勝出。Edan作為首個出戰的成員已大派笑料，他完全偏離賽道不單止，還巧妙地在終點前就打滾轉回原點，令全場爆笑。隨後，其他成員都分別成功於終點撞跌大部份的保齡球瓶。在旁的Edan不禁感嘆：「點解個個都咁易」，聞言的Lokman笑指：「其實你先係最難呀！兜左個圈，經過埋個終點，之後再返去起點」，Ian亦大讚Edan是一個綜藝前輩。而只掃跌一支保齡球瓶的Edan繼「兩秒安」後，再獲得「一支安」的稱號！隨後，Edan更獲挑戰「敗者尊嚴復活戰」，嘗試一雪前恥。
而由Jer對決Jeremy的氣球鬥室，雙方要鬥快弄爆氣球收集裡面成員的相片和撕去對方背上的大頭相，集齊12子就為之勝出。比賽開始前，大多成員都預計Jer會勝出。姜濤笑言：「大家唔好睇Jer好似好溫馴咁，其實內裡都好火爆。Jeremy就係會自己先投降」，Anson Lo亦開玩笑指：「Jer會兇狠同我一定要贏嘅感覺」。而擔任今次遊戲評判的Stanley在開始前，亦表示投Jer會贏：「因為佢玩遊戲都幾狼死。Jeremy一定會讓佢，唔會重手。」Stanley開玩笑警告Jeremy千萬不要未開始已經打算遷讓對方，而Jeremy下定決心表示：「陣間就俾大家睇下咩叫狼死」！
