太子又有個別名為「餃餃鎮」，故明思義太子這個社區雲集不少餃子高手！而 豐信餃子店 位置便利，原來係由隔離鋪豐信布行老闆開設，因為豐信布行老闆本身都是識飲識食之士，於是租埋隔離鋪開豐信餃子店！大家去太子買完布可以去隔離食餃子！豐信餃子店每日新鮮製造，餡料、包餃都是人手製作！店內有15款餃子口味，有湯餃、煎餃，不單只有普通的韭菜、白菜、豬肉餃，還有主打的招牌香菇鮮肉、芝士粟米鮮肉、麻辣白菜鮮肉，款式多到試唔哂啊！餃子、款式、湯底配搭都非常新鮮！主打椰子鮮雞豬骨湯底，好香濃，可以食完餃子仲可以飲哂成碗湯！想重口味啲，仲可以轉惹味酸辣湯底添！湯餃皮薄，煎餃又香脆！有時候仲會有期間限定，西洋菜當造就會有西洋菜餃子！
行經路過太子汝州街，就會發現 豐信布行 隔離 有間同名餃子店，原來是由於老闆愛好食餃子而開設！
餃子皮真係好薄，大隻而足餡！有15款餃子口味，包括韭菜鮮肉、白菜鮮肉、椰菜鮮肉、咖哩鮮肉、南瓜粟米、紫菜鮮肉、芫茜鮮肉、香菇鮮肉、芝士粟米鮮肉、麻辣白菜鮮肉等，而且廚師不時研發新口味，可能下次到訪又會有不同驚喜！
喜愛香脆口感的朋友，一定不能錯過煎餃，煎成金黃色焦脆的外皮，包入不同口味的蔬菜及肉混合在一齊而成餡料內餡實在是鮮味多汁，口感肥厚鮮美！
芝士粟米豬肉煎餃（$49/10隻），餃皮煎香好香脆，芝士仲可以拉絲！
湯餃會配上店家獨家自製的椰子鮮雞豬骨湯，小店強調絕無味精而且飲落鮮甜，果然是每日新鮮熬製心機之作！
煎韭菜餃餡料豐富，隻隻都大大隻！
餃子平民美食材料配搭多，大大隻的湯餃絲毫不遜色！
金錢展（$39）牛展食落軟腍，味道香醇。
涼拌海蜇（$20）作為爽口前菜小食非常稱職！
、酸薑流心皮蛋（$20）不會太酸、太濃調味做得很好
連周中師傅都到場食餃子讚好！食完一隻又一隻，仲打包返去慢慢食！
豐信餃子店
地址：太子汝州街17號地下A號舖
電話：23081883
營業時間：星期一至日12:00 – 22:00
Edit：Elaine
Photo：@eat.ba.la / Elvis
