深水埗這間排隊大人氣小店，淺木色木門掛著米白色布，裝修陳設日系簡約又不失優雅氣勢，門外每日都超多人排隊，就算非繁忙時間都要等半小時以上才有位置﹐小店只有10多個座位。食物主打日式丼飯，不過確是貴精不貴多Menu只有4款選擇，梅、竹、松同特上代表不同魚生種類及份量，價格亦是依次上升。主要分別係由9種到11種海鮮混合而成，堆堆疊疊成為一座尖尖小山，一定係打卡食先！而店家推薦丼飯有3款食法：一是加入豉油及Wasabi作為海鮮丼飯，第二種推薦食法為將附送的紫菜包上米飯自行捲作手卷食用；而最後一種推薦食法就是加入湯做茶漬飯，每一種食法皆有不同風味！
四款丼飯梅($108)、竹($148)、松($198)、特上($298)，分別在於價錢及材料上差別，由9種到11種海鮮刺身混合而成。
愛好海膽的朋友，建議點特上丼飯，只見魚生堆堆疊疊成小山丘，魚生包括有吞拿魚、吞拿魚蓉、北寄貝、希靈魚、帶子、甜蝦、三文魚子、烏賊、油甘魚、鱲魚、蟹肉及海膽。
丼飯會附送紫菜，可以包成手卷！
食到尾聲，可以問店員取一碗熱湯，將熱湯加入米飯，形成茶漬飯食法！
所選用海膽軟滑Creamy入口即化，口感濃厚又清爽。
店鋪亦有單點生蠔。
宗像屋
地址：深水埗青山道60號地下B舖
電話：21783322
營業時間：星期一至日 12:00 – 15:00、18:00 – 21:00
Edit：Cherry
Photo：@misimoment、@eat.with.ab、@j_fooddiary_0125 、@cheezehomemade
