自問係「電視精」的你，對古天樂跟宣萱這對螢幕拍檔一定不會感到陌生。兩人於01年拍罷無綫劇集《尋秦記》後，各散東西，沒想到要等足18年，先至有機會在電影《犯罪現場》再碰頭。其中2⃣人有場動作戲，古仔膽粗粗要求Jessica(宣之洋名）親身上陣，女主角竟一口答應，但拍完後郤嚇到花容失色，驚魂未定咁話：「我太了解佢（古天樂）啦！好驚同佢拍打戲！」
默契依舊
這對老拍檔相隔18年再合作，古仔變身成為被通緝的匪幫手領汪新元遇上有弱視的包租婆阿Joy，發展出一段似有還無的感情線。宣萱曾經講過二人沒有合作的這些年，私下也絕少飯局敍會，沒想到埋位開工，竟然半點生疏也沒有。「好好彩我哋一埋位仲有嗰種默契，拍攝過程好順利，開工嘅每一日都好輕鬆、愉快。」宣萱說。
太落力
宣萱受傷
二人在電影中唯一一場的動作場面——古仔偷襲Jessica，據了解是沿於一個誤會所引起，戲中男主角從後用風褸笠住Jessica的頭部，用力將她推向牆邊，結果戲外不慎chok傷她的頸部，幸好女主角並無大礙，與古仔老友鬼鬼的她更笑說：「我唔會怪佢，Ok嘅！佢會萬歲㗎喇。」
事隔多時，古仔講起仍然覺得唔好意思。「開頭係諗住分開幾場戲做，但導演建議我哋不如試吓一次過做晒，咁可能我又肉緊得濟……」古仔仲話導演叫Jessica 嘗試一吓，如果辛苦可以叫停，結果她忍痛完成整場戲，古仔更大讚Jessica 專業：「我有同佢講你一唔得就嗌cut啦，咁佢真係好好嘅，成程都冇嗌cut，因為大力chok 住條頸點都會痛，但係佢就好堅持忍住做落去，係幾驚喜嘅！」
譚耀文飾演的姚笙，曾經是黑道中人，改邪歸正揸刀做牛肉佬。案發時正與母親在金行買金。 
安志杰飾珠寶店護衛員何兆東，得知同店店員兼未婚妻於劫案後終身傷殘，怒不可遏！ 
以往多做黑社會小混混的黑仔姜皓文，在《犯》片中飾演高級督察葉守正，由於自己的卧底探員在劫案中被古仔殺害，因而視對方為眼中釘，誓要將他繩之於法。
故事大綱：
一名珠寶劫匪伏屍工廈單位內，所有贓物不翼而飛，警方斷定是群匪分贓不均，嫌疑最大的是匪幫首領汪新元 （古天樂 飾）。警官葉守正 （姜皓文 飾）率領警員林法樑 （張繼聰 飾）及少梅 （顏卓靈 飾）展開調查，確定與三個月前的「利新珠寶劫案」有關，隨著其他劫匪相繼遇害，林法樑逐漸發現案中有案，能夠解開「誰是兇手」這道謎題的，就只有當日在犯罪現場目擊兇案的唯一活口：一隻會說話的鸚鵡。
兩人相當緊張自己的表現，一拍完馬上跟導演馮志強埋位睇playback。 
沿於一個誤會，古仔要起勢襲擊弱視的宣萱。 
去年憑《黃金花》於《第37屆香港電影金像獎》中獲得「最佳新演員」的凌文龍，飾演古仔的黨羽—洪小武，飾演古仔的「車手」—洪小武，面對同伴相繼被殺害，因而對古仔起了極大疑心。
「啪」一聲心知不妙
頸部受了傷，工作人員馬上安排敷冰毛巾消腫、痛、但宣萱只顧睇playback，了解自己剛才的表現，其間不停轉動頸部拉筋減壓，直至導演ok收貨才娓娓道出自己驚魂未定。「其實拍之前我驚咗好耐㗎啦，因為我太了解佢（古天樂），好驚同佢拍打戲呀！導演同古仔建議我不如自己做埋啦，我都覺得咁樣（親身上陣）會靚啲，成件事一鏡直落smooth好多。」
宣萱坦言動作戲追求逼真，難免會受傷，拍攝途中，聽到頸部發出「啪」一聲時已心知不妙，只是死頂堅持下去：「橫掂都啪咗一聲啦，所以咪頂埋落去，做埋場戲，都叫做犧牲得值啲嘛！再講，本身兩個禮拜前我都約咗要正骨嘅，依家古仔幫我啪歪咗，再去整翻好，好似會抵啲。」
訪問結束前再問Jessica受傷後，古仔有沒有關心、慰問，她搞笑地壓低聲線模仿古仔：「上去敷冰啦！」 接著再埋位，古仔好細心地為Jessica調整毛巾位置，令她躺在沙發時更加舒適，估你唔到，平日有名你叫嘅Mr. Cool，原來都會有溫柔體貼的一面!
Edit| Helen Chan
Art| Fung Pang
