籌備長達7年嘅電影《梅艷芳》前排終於上映，相信大家都急不及待去戲院一睹梅姐傳奇一生，加上電影呈現80年代嘅香港，絕對能勾起種種回憶。為咗紀念一代巨星，利舞臺廣場即將舉行《Lee Theatre Presents Christmas Rouge x Anita》，分六個主題區展出梅姐嘅展品。活動以象徵永恆嘅酒紅色為主調，配合多個燈光效果同場景
，呈現唔同年代嘅梅姐，主題區會帶大家穿越返去1982年梅姐新秀奪冠
﹑到近期電影《梅艷芳》嘅製作花絮。年青一輩可能唔知
，利舞臺係梅姐當年參加新秀比賽奪冠嘅地方，展覽特登係番哩個地方舉行，意義非凡。而禮頓中心亦有期間限定Diva梅艷芳Gallery
，見證一代巨星誕生同埋利舞臺嘅發展。咁多位歌迷記得唔好錯過呀！日期：11月27日（六）— 1月2日（日）
