2020年渡過特別的時光， 一場疫情導致原本普天同慶的聖誕節需要留港居定家抗疫，間中都想到香港各處找尋樂趣，今日小編推介之聖誕活動，風格有別於華麗Bling Bling 華麗聖誕樹裝飾，波鞋街商場 THE FOREST 特意打造節日主題限定「THE FOREST Jingle Feast」Glamping 草地打卡位+微型市集， 更以營造出北歐小屋戶外小店創造溫馨感覺！而場內3大人氣餐廳亦會推出聖誕大餐menu，行街買完波鞋，仲有得打卡同食好西，真是個美好的聖誕周末 ！
節日限定Glamping打卡位！
THE FOREST 今個聖誕放棄擺放華麗風的聖誕樹裝潢，反而返樸歸真地佈置場內綠洲成Glamping聖地 加上氣文青cafe 青花ATUM限定新推8款聖誕小食，讓大家可以處於鬧市中的綠洲，打卡味甚濃！充分利用場內真草皮，The Overlander就悉心打造色彩繽紛紮染Tie Dye山系風Glamping設置，令打卡度大大加分。
紮染山系風Glamping打卡真係非常吸睛！
得意企鵝仔CHUMS都等緊你一齊打卡食野！
在青花ATUM 點選期間限定小食後，你可以和友人可於帳幕下chill嘆美食，讓你暫時遠離城市的熙攘。推出二人餐及多款小食如聖誕火腿凍肉拼盤、烤金文畢芝士配烤小蕃茄及脆餅、蕃茄咖喱肉丸配辣薑蔓越莓果醬、脆炸薯圈及青檸雞槌籃、炸馬蘇里拉芝士條配鹹蛋黃醬、香草雲呢拿雪糕配蔓越莓果醬、聖誕芒果糯米飯杯、肉桂朱古力特飲。
微型聖誕小食+手作市集
一來到THE FOREST門口，耳邊已經悠揚Jingle Bell～Jingle Bell～Jingle all the way～3間小食攤檔以車仔檔形象以人！Chef & Taste主打韓式料理家常菜韓式煎蛋捲、Green Common帶來純素朱古力brownies 、Twinkie Cookies 及G.O.A.T Barbershop帶來流心麻糬曲奇、聖誕手工薑餅人曲奇。而另一矚目攤檔G.O.A.T Barbershop復古電單車會駐場，會為客人恤髮。
而2樓就打造了聖誕手作市集，雲集10多個本地手作品牌聖誕攤檔，包括多款飾品、皮革、 文創商品、及節日花藝等，豔麗的保鮮花/永生花及七彩繽紛水晶。小編推介訂造木刻聖誕卡，可以寫點心意問候一下遠方親友。
THE FOREST
日期：2020年12 月 17 日至 20 日、12 月 23 日至 27日
地址： 旺角奶路臣街17號 THE FOREST
Edit：Cherry
Photo：THE FOREST
