我：「今次呢件事，你有嬲老師嗎？」
恩恩：「冇呀！因老師已經向我道歉了。」
我：「咁你仲有冇唔開心？」
恩恩點點頭說：「有！我嬲媽咪。」
我：「你嬲媽咪。點解呀？」
恩恩： 「因為佢唔信我，唔信我真係考得好。佢尋晚因為我成績唔好而喊。」
我：「尋晚媽媽因為見你成績唔好喊。」
恩恩：「係！佢唔信我。」
我：「但佢今早幫你去問老師喎！」
恩恩： 「佢唔信我，今早先要去問老師。同埋佢會將我成績同xxx比較，佢唔想我差過xxx。」
恩恩是一位小一學生，她一向比同齡孩子成熟，而且十分聰明。派成績表這天，她各科成績也非常優異，唯獨數學科不合格，她也感到莫名其妙和失望。回家後，媽媽見到恩恩數學成績，也質疑女兒為何會不合格，而且女兒本年度未能在結業禮站上頒獎台，也令媽媽感到不是味兒。
第二天早上，媽媽帶着恩恩回校，要求見老師，卻感到學校多番阻撓，最後媽媽見到了校長。校長室內，數學老師承認自己登記分數出錯，恩恩不但數學成績出眾，而且總成績是全班第一，本可在結業禮上台領獎。老師向恩恩道歉，校長也承諾在開學禮頒獎給恩恩。媽媽心裡雖然仍有點氣，但也勉強接受了學校安排。
離開學校，媽媽和恩恩來找我。我先接見媽媽，聆聽她說出事件經過和感受。然後，我也見了恩恩，並有了開首一段對話。
這次事件，媽媽為女兒取回應有的成績，但卻得不到女兒認同。我問恩恩為何不感謝媽媽為她向學校爭取，恩恩說：「我出年可以再考過第一，但媽媽不相信我。」原來，女兒着緊的不是成績，而是媽媽的信任。
Connie Lau
•註冊社工
•接近30年的兒童和家庭工作經驗
•育有一位SEN兒子
