疫情暑假完結前幾天，某科老師宣佈一直欠交功課的兒子「平時分」得0分，而且需要在開學後留堂完成所有功課。
爸爸帶着責備語氣：「你為何沒有做功課？」
兒子抗辯：「我有做！只係唔知放咗去邊。」
爸爸怒氣上升：「你冇做就冇做啦！死唔認。」
兒子頑強回應：「我有做。」
爸爸加強話氣：「我唔信。」
兒子開始激動：「我有做呀！」
媽媽堅定回應：「我信你有做！」
兒子情緒稍平伏，爸爸亦沒有再追問下去。
媽媽平靜地說：「我知你真係做咗，又唔見咗。但係，我戥你唔抵！」
兒子保持沉默。
媽媽冷靜描述事件：「你做咗功課，但係無交！結果平時分變零，仲留堂再做一次，成件事對你來說好唔抵喎！」
兒子沒有回應，爸媽各自繼續自己手上工作。
過了一會，媽媽完成手上工作，坐在兒子面前好奇地問：「點解你唔積極啲去交功課？」
兒子：「我唔鍾意呢個老師。」
媽媽：「我知道！你一直不喜歡他。但平時分得0，還要再做功課，對你很不利呢。」
兒子：「…..」
媽媽：「答應我，就算幾唔鍾意呢個老師，都唔好賠上成績和知識，可以嗎？」
兒子：「好啦！」
你可能會問，媽媽這樣的管教方式，是否助長了兒子說謊、不負責任和不尊敬師長。媽媽為何沒有探究兒子有否做功課？媽媽為何沒有責備兒子不交功課？媽媽為何沒有阻止兒子討厭老師？因為媽媽知道和一位十三歲少年保持溝通，我必須對他保持真誠的信任。只要我們信任他們每個行為必有其原因，然後讓他也因為信任你而改變自己。
