ECDAY

即將舉行《FWD 富衛保險10周年 x HKT 呈獻:EDAN LUI “IN MY SIGHT OF E” SOLO CONCERT 2023》的呂爵安，昨日才推出全新廣東歌〈Again!〉，今日火速再推出新歌，更是首支國語兼跳唱作品〈霸道總裁〉，完全一次過滿足Fans兩個願望。 Edan一直都很想扮演霸道總裁的角色，剛巧這次在演唱會前推出的國語跳唱歌〈霸道總裁〉，繼續由Edward Chan監製、Edwin作曲、小崔填詞，正好就讓他在歌曲裡搖身一變，成為呂總裁，Edan道：「我冇同小崔溝通過，咁啱佢寫咗呢個題材出嚟，我一直好想做霸道總裁角色，所以呢個係緣份，而歌詞都好有Feel，係講點樣用好霸道嘅形式去追女仔，講緊點樣霸道地為你好對你好，係好正嘅一份歌詞。」為何這次會推出一首國語跳唱歌呢？Edan解釋：「冇特登Plan，想演唱會前出多啲歌，聽完國語Demo覺得好聽舒服，就諗不如今次直接呢個方向玩下、試驗下，同埋都想喺演唱會跳唱部份有自己歌，所以就有今次呢件事發生。」既可演總裁，又可以令演唱會歌單更豐富，給爵屎更多的驚喜，Edan自言是再辛苦也值得。 這次〈霸道總裁〉雖然是國語歌，但Edan未有特別去上國語堂，他笑言：「不過錄音時間同廣東話差不多，大家都知我廣東話咬字本身爭啲啦！其實由細到大都鍾意聽國語歌，所以發音或唱上去冇話好大嘅差別，但佢有少少R&B又輕快嘅曲風，要捉摸到跳唱輕鬆又Lay Back少少感覺係有啲難，特別係Chrous部份，節奏嘢難少少。 演唱會在即，Edan抽空錄了兩首新歌，但就未有時間拍攝〈霸道總裁〉的MV，他說：「但相信演唱會後拍dance version MV，再研究下，今次希望演唱會前出到，等大家可以聽到，演唱會時就可以投入啲！」除了新歌，Edan也匯報了綵排進度，他說：「都合格，所有嘢定好晒，而家Rehearsal練習中，更加圓滿佢，希望可以帶到一個好好嘅演唱會俾大家睇，可以睇到唔同嘅嘢。」

《This is MC LIVE IN MACAU》超近距離與「賦二代」慶中秋 BOOKYAY優先預售30分鐘售罄 8月25日金光票務售票處公開發售 由棋人娛樂、寶輝娛樂、光尚娛樂及小金鹿娛樂主辦，人氣歌手MC張天賦將於今年9月30日，首次在澳門舉辦演唱會《This is MC LIVE IN MACAU》，以歌聲與粉絲在威尼斯人金光綜藝館歡渡中秋。而今早BOOKYAY優先預售門票，開賣30分鐘火速售罄，MC說：「好開心一起身有好消息，買唔到飛嘅就要留意8月25日（星期五）起可透過金光票務售票處買飛。」 MC自2020年出道以來，以獨特深情唱腔奠定其抒情歌手路線，2021年推出的第二張個人作品《反對無效》MV公開僅十天即突破一百萬次觀看次數，不但獲得樂迷廣泛好評，更讓MC正式走進大眾視野。其後推出的多首傳唱度極高的抒情情歌，包括現象級大熱作品《記憶棉》、《時候不早》、《老派約會之必要》、《抽》等，分別以不同風格及主題詮釋多個令人揪心動容的愛情故事，歌詞旋律絲絲入扣，引起一眾樂迷強烈共鳴，甫推出即登上各音樂平台串流榜單冠軍位置，同時也令MC晉身當今香港樂壇新一代情歌王子之位。 2022年，MC獲得《2022年度叱咤樂壇流行榜頒獎典禮》「叱咤樂壇男歌手銅獎」殊榮，並於今年榮獲《廣播九十五周年十大中文金曲》「最優秀流行男歌手大獎」及「全球華人至尊金曲獎」，可見其精湛唱功備受大眾認同。而除了標誌性抒情慢歌外，MC亦勇於挑戰自我實力，於今年推出的首張個人大碟《This is MC》中以破格作品《Overkill》首次挑戰跳唱，更於一月舉行一連三場《This is MC》紅館演唱會，展現非凡舞台魅力。 今次澳門個唱《This is MC LIVE IN MACAU》海報，沿用香港演唱會海報主題，以電影《教父》打造暗黑風格主視覺，展現MC深情形象思維以外的帥氣型格面貌，他透露是次個唱將現場演繹多首人氣作品，更特別為澳門歌迷準備驚喜，舞台設計將更近歌迷，以帶領一眾「賦二代」踏進由MC建構的音樂宇宙，感受以MC為名的音樂天賦！ 把握機會購票入場，MC張天賦的首次澳門個人演唱會《This is MC LIVE IN MACAU》，售票資料如下： 　　             日期及時間：2023年9月30日晚上8時 場地 ：澳門威尼斯人金光綜藝館 票價：澳門幣 / 港幣元1388（VIP 區） 澳門幣 / 港幣元988（A 區） 澳門幣 / 港幣元788（B 區） 澳門幣 / 港幣元588（C 區） 售票處：金光票務 （首日只限網上及電話訂票） 網上訂購：www.cotaiticketing.com 售票處： 澳門威尼斯人® 西翼大堂金光綜藝館售票處      

繼上月飛到馬來西亞雲頂舉行一連兩場「RE: GRASSHOPPER 草蜢巡迴演唱會」，三子繼續馬不停蹄，於八月十九日假澳門威尼斯人金光綜藝館，繼續他們的巡迴演出。 三小時無間斷又跳又唱，台下觀眾反應熱烈，現場的尖叫及歡呼聲，令草蜢的演出更加落力，當中蔡一傑狀態大勇，在台上表演後空翻，獲全場掌聲，但直到演唱會接近尾聲，傑仔在台上才道出他前一晚綵排時，不小心拗傷左腳，要用繃帶固定腳踭位置，才能負傷演出。 「前一晚綵排跳舞唔小心拗傷左腳，夜晚返到酒店房，阿智仲話做鐵打師傅幫我扭吓隻腳，我即刻話唔好，唔慣比阿哥捽腳，但我有幫自己按摩，其實今晚現場太好氣氛，我根本都忘記咗受傷，因為觀眾嘅掌聲同歡呼聲，係最好嘅止痛藥。」 旁邊的蘇志威說：「其實我好放心佢嘅傷勢，因為我哋三個都係超級運動員，少少損傷，一日應該可以復原，今晚大家都有眼睇，冇問題。」 為了回饋澳門站粉絲的支持，草蜢預備了禮物送給現場觀眾，就是蔡一智親自設計的Tee，他們邊唱國語歌《暗戀的代價》，一邊將禮物包拋到台下，由於三子都是運動健將，即使金光綜藝館場地比較大，但禮物包依然可以拋到較後排的位置，全場觀眾均高舉雙手，希望可以搶到草蜢三子為他們準備的禮物。 要有足夠體能及靚聲應付演出，三子雖然有提早數天到澳門做足準備，但未有出外品嘗澳門地道美食，加上蔡一傑受傷，要靠經理人林珊珊外賣蟹粥回酒店給他，旁邊的蔡一智更搞笑說，有很多氹仔粉絲買了大量葡撻及豬扒包送給他，令酒店房變成了一個小型澳門美食天地。 提到即將在十月二十八日到高雄開show，三子變得特別興奮，因為他們是首隊香港組合，登上高雄巨蛋舞台，蔡一傑說：「早排我哋三個仲喺度拗，以前有冇去過高雄做show，我印象有，但佢兩個話冇，後來我問番啲台灣fans，原來我哋1992年喺高雄開過演唱會，所以今次係相隔三十年，再同高雄嘅fans見面。」 1985年成軍，屹立樂壇轉眼三十八年，蔡一傑在台上感觸地說：「一個歌手喺樂壇三十八年已經唔容易，一隊組合喺樂壇三十八年，除咗大家要一直維繫住好好嘅關係，大家仲要一樣咁fit，先可以做到今時今日，所以呢條路一啲都唔容易行，而當年我哋第一首主打歌係《飛躍千個夢》。」 蔡一智接著說：「草蜢到而家，應該達成咗五百零個夢左右，仲有好多夢可以繼續實踐，希望大家將來喺任何媒體上見到我哋，會諗起香港有一隊三人組合叫做草蜢。」之後三子跳唱《飛躍千個夢》，獲全場觀眾跟住一起跳唱。 澳門站演出超額完成，傑仔這晚還有另一個好消息，原來他獲《香港健美金像獎2023十大健美名人頒獎典禮》頒發「十大健美名人獎」，還有一座999.9千足純金獎座及獎牌，他說：「自己呢幾年都有積極參與健身界嘅活動，去做頒獎嘉賓，亦有好努力運動，多謝大會頒呢個獎俾我，希望我可以繼續keep落去，去到某個年紀，仲可以有六嚿腹肌。」 雖然其餘兩兄弟都有恭喜傑仔獲獎，但蘇志威和蔡一智不忘搞笑，指兩人健身玩slim cut「行錯路」，只能獲「十大排骨名人獎」，令傑仔唔知好嬲定好笑。

「唱作王子」馮允謙（Jay Fung）日前拍攝新歌《收到收到》MV，邀請了有份與他一起作曲的Gareth Chan陳考威女朋友Yanny，擔任MV女主角。作為《報復式浪漫》之後另一首冧爆情歌，MV畫面同樣甜到漏，飾演一百分女友的Yanny，會為只顧創作音樂將所有事情拋諸腦後的Jay Fung，安排好生活日常所需，甚至在家中每個角落貼上memo紙，提醒另一半飲水、食飯。Jay Fung坦言，每個男仔其實好清楚另一半對自己有幾好，《收到收到》這首歌，正好用來送給所有女朋友，多謝她們對另一半無條件的付出。 由Jay Fung與Gareth Chan一起作曲及監製、鍾雪填詞、Derrick Sepnio與蘇道哲負責編曲的新作《收到收到》，Jay Fung形容這是一首口語化、容易入心的冧歌，他說：「《收到收到》係《報復式浪漫》之後其中一首好sweet嘅情歌，其實我好多歌都好sweet嘅，但呢首就直接啲、易明啲、好口語化、歌詞快啲到心，首歌係代男仔多謝另一半去push自己成為一個 better person。」 MV內容以情侶間生活細節為主，Jay Fung飾演的角色，與普天下男士一樣，都是大頭蝦一族，例如去完廁所冇沖廁、用完廁紙未有更換、經常因為工作忘記吃飯、飲水，貼心的女友Yanny，於是將memo紙貼滿家中每一個角落作提示，處處為男友著想。但最搞笑是不懂看中文的Jay Fung，導演要他拿著memo紙露出感恩女友關心的笑容，難免要旁邊的工作人員翻譯，好讓Jay Fung入戲。 「好多情侶，拍咗拖一段時間，可能會有啲拗撬，埋怨另一半叫你去打掃、洗碗、吸塵，甚至催促男朋友幾時求婚？幾時結婚呀？其實有咩唔好，女仔想結婚就係想同對方一生一世，that so sweet，男仔有時會misunderstand或者唔了解，呢首歌係話俾女仔知，其實男仔心裡面係知道，你做咁多嘢係為咗我哋好，多謝你哋。」Jay Fung說。 其中一個鏡頭，講兩小口剛起床摺衫，Jay Fung發現自己對襪穿了一個大窿，於是穿上腳，露出一截腳趾公，逼Yanny聞他的爛襪腳，但怕醜的Jay Fung一直表現尷尷尬尬，原來他擔心伸腳期間會弄傷對方，最後要Yanny講到出口「唔怕啦！你對埋啲落我塊面。」最後才成功拍攝出這個既搞笑又甜蜜的畫面。 「其實今日好多謝Yanny做我MV女主角，今日拍嘅嘢都好順利、好自然，一來Yanny係一個好easy going（隨和）嘅女仔，二來今次呢首歌同我一齊作曲、監製嘅Gareth Chan係佢男朋友，所以佢好早之前已經聽過呢首歌，佢都好鍾意。」 雖然MV內充斥甜蜜畫面，但尾段講述Jay Fung因埋首作歌，未有理會女友傳來的短訊，與此同時，Yanny在用來觀察貓貓的閉路電視內，看到男友家中冒出濃煙，嚇得她在街上飆淚狂奔，擔心Jay Fung生命安全，最後當然是虛驚一場，無非想帶出女友無條件的愛。 問Jay Fung與女友間，有沒有因為生活瑣碎事情發生拗撬，他坦言：「都有，例如女朋友煮完飯，想我即刻洗碗，但我想睇一陣電視先，但佢會覺得洗咗碗之後可以咩都唔使理，安心睇電視，其實佢咁做，都係為咗我好，而《收到收到》呢首歌，就係想帶出呢個信息，希望大家都鍾意呢首歌。」

藉著專輯《4891》面世，黃妍特別於誠品書店舉行《黃妍4891展覽》，並於日前舉行了分享會及簽名會，分享專輯的創作過程外，亦公布了兩大喜訊。 Cath這次在分享會中除談與MV導演兼專輯創作總監Pazu大談製作專輯《4891》的逸事外，Cath更現場演唱了碟中〈哀傷的作者〉、〈霧雨〉及〈至少有歌〉3首作品，其中〈霧雨〉是〈異地書〉的Demo Version，〈至少有歌〉則是電台宣傳曲的Extended Version，這次Cath特別為分享會演繹了不一樣的accoustic版本，別有一番風味。 《4891》這個Project將會一直往外延伸，Cath在這次分享會上亦公布了有關資訊，其中一樣是首度推出黑膠大碟，Cath道：「我哋會出《4891》黑膠同埋好多人話買唔到嘅《九道痕跡》黑膠，《九道痕跡》我哋冇諗住再出CD，所以會出埋《九》嘅黑膠，兩隻一齊出，全部都係限量，有興趣嘅，大家加油喇！希望大家會買到。」Cath指，推出黑膠的想法是在製作專輯時突然從腦中浮現，她說：「我哋今次成個Project係由村上春樹嘅《1Q84》出發，故事時代背景都幾係黑膠盛行嘅時候，男女主角都聽黑膠；同埋上年我買完黑膠機後開始儲黑膠，平日會聽坂本龍一同久石讓，所以就諗我自己都可以出到一隻就好喇，Pazu都覺得係幾好嘅時機，好好有Design埋兩隻黑膠嘅Cover。」 除了推出黑膠，《黃妍4891展覽》亦會衝出香港，下一站將在日本東京舉行，Cath興奮道：「我哋喺東京搞下一站嘅展覽，點解揀日本？因為拍MV同做展覽時已有呢個Concept，都真係私心想去返日本，再加上成個project日本味極濃，《1Q84》日本著作喺裡面好多場景都係喺日本，既然MV都喺嗰度做，又有一個咁Proper嘅展覽，咁不如去埋。《4891》裡面有仝人小說用中文寫，我哋去pitch嘅時候，特登搵翻譯將成個小說裡面嘅書信連同歌詞全部翻譯成日文，所以自己都期侍！日本站會係幾特別嘅一站，去到會係不同嘅意思，為《4891》呢個Project畫上一個句號。」 Cath 早前到日本拍攝MV時，曾獲撮合與日本殿堂級建築師隈研吾會面，並參觀由對方設計的村上春樹圖書館，被問到可會邀請對方參觀日本站的展覽，Cath道：「會呀，其實我寄咗隻《4891》俾佢，但佢好忙，所以如果有機會，都想邀請佢嚟睇，因為今次無論拍MV同埋做碟嘅過程當中，都有啲日本crew，去到再同日本同事分享，都係一個幾有趣嘅經歷。」