中環地中海風健康cafe 捕夢網/霓虹打卡牆+吊椅鞦 —角落cafe
喺繁華嘅中環，竟然有間悠閒嘅波希米亞風cafe！？中環新開左一間主打波希米亞風嘅cafe—角落，店內裝修都好有慵懶嘅感覺，有捕夢網、霓虹打卡牆 、乾花、木傢私，仲有吊椅鞦韆可以坐喺到打卡添！打卡牆上嘅霓虹句子“Being Happy Is Not An Aspiration. It Is An Attitude” 更喺成間店嘅特點，亦都展現到角落cafe及時行樂嘅精神，唔少人都鐘意喺到打卡架！店內主打多款地中海風味嘅健康西餐，有超級碗、生酮蛋糕等素食餐單，仲有多款特色西餐，包括自家製蕃茄乾醬烤大蝦意粉、煙三文魚滑蛋黑麥多士、玫瑰拿鐵等等！同朋友一齊嚟嘆翻個悠閑下午茶就最正啦！ 有霓虹打卡牆 、乾花，仲有吊椅鞦韆可以坐喺到打卡添！ 超級碗（$78）全部材料都好健康，有西柚、石榴籽、紅菜頭、藜麥、牛油、羽衣甘藍沙律多款健康食材！ 全日早餐 （$138）牛油果醬多士好吸引，牛油果迷一定會鐘意！ 流心蛋意大利卡邦尼意粉（$118）流心蛋煮得剛剛好！醬汁好有奶香同芝士味，好creamy！ 自家製蕃茄乾醬烤大蝦意粉（$138），有兩大隻越南虎蝦， 好濃番茄味 ！ 生酮紐約芝士餅、生酮雙重朱古力蛋糕，食生酮蛋糕真係唔洗再怕肥！ 玫瑰拿鐵（$38） 有好靚嘅拉花，上面仲加上一片片花瓣，有淡淡嘅玫瑰花香！ 角落咖啡室 地址：中環德己立街23號晉逸蘭桂坊精品酒店2樓電話：23824899營業時間： 星期一至日中午 12 時至晚上 9
